Ua lata ina ma’ea galuega faaleleia i le auala tele, le Falealili Street ma alavai.
Falealili Street e ui atu ile va o le fogafale ono o le, Ioane Viliamu i Tamaligi ma le Malumalu EFKS i Apia, faasasao ai uta.
Na talanoa ai le ofisa sili o le pulega o le LTA, land transport authority, Galumalemana Titi Tutuvanu Schwalger ina ua fesiligia ele Leitio Polensia. Ole galuega lea e $4 miliona tala mo alavai ma galuega o le auala.
E aofia ai ata ole galuega, ma le vavaaiga ole faatinoina supervising, ma galuega faatino e le Ott construction, ma ata na faatupe e le green climate fund.
O le faatupeina o nei galuega mai fafo, e faalapotopotoga faalevaomalo o mea tau poloketi mo le puipuiga ole siosiomaga ma suiga o le tau.
Ole tapenaga ma le fuafuaina ole galuega lenei, na faia ia Me 2020 – Aukuso 2021 e le kamupani a le Stantec NZ ltd. ma amata galueaina ai loa alavai ma le auala mai ia Tesema o le 2021 e oo mai ile masina lenei o Aperila.
Peita’i o loo maitauina le faauau lava ona lolovaia vaega i sisifo o le taulaga i apia, aemaise ole itu i Saleufi i Fugalei ma SAvalalo, i taimi e mamafa ai timuga aemaise pe’a fetauai ma se tai su’efuefue, e ui ina o loo iai alavai tumau o faataoto ai agai atu i le sami ma le togatogo
