E faasufi gatā lagona ua le mautonu, ina ua mou malie atu le siu leo sa avea ma pese leo malie i agaga a fano.
Ua sola le manamea a le ekalesia, ua tauau ai ina se ese le sa ma folau i peau sousou.
Ua gau le poutū sa faalagolago iai le maota atoa ina ua faamanavaina e le Atua silisiliese guluega a le Akiepikopo le afioga ia Alapati Lui Mataeliga i Aukilani Niusila.
O le afioga ia Alapati o le taitai o le Ekalesia Katoliko i Samoa atoa talu mai le tausaga e 2022.
O lana afioga na fa’au’uina e avea ma ositaulaga i le tausaga 1977 a’o soifua le afioga i le Katinale Pio Taōfinu’u, ae ia Novema 16 i le tausaga 2002 na fa’au’uina ai loa o ia ma avea ai loa ma Aki-Epikopō mo le Ekalesia Katoliko Roma i Samoa Apia.
O se aso faanoanoa lenei i tagata Kerisiano o le Ekalesia Katoliko ae o Samoa ona o se taitai ua tele lona sao e le gata i aiga, ae o le Ekalesia ma aoga.
