Ua amata a’oa’oina le mataupu Faa-Saienisi i le Soifua Maloloina i le Iunivesite Aoso o Samoa

SHARE NOW

E $3.49 miliona tala Niusila le aofaiga atoa o le fesoasoani a Niusila mo le amatalia lea o le tasi o faailoga taualoa i totonu o le Iunivesite Aoao o Samoa le Faasaienisi ile soifua maloloina poo le Bachelor of Health Science.

Ma o le tausaga muamua lenei ua amata aoaoina ai lenei mataupu i totonu o le Iunivesite.

Peitai na saunoa ai lava ma le afioga i le Minisita o aoga ia Seuula Ioane Tuaau, o le fesoasoani lenei a Niusila o lea mafai ai ona faatupe avanoa sikilasipi e 20 mo tamaiti o loo iai le tomai ma le silafia i le mataupu lenei mo le umi e 3 tausaga.

O lea fesoasoani taua na tauaao atu e le Sui Palemia o Niusila le afioga ia Vaovasamanaia Winston Peters ma lana aumalaga i le latou asiga ile faaiuga o le vaiaso na tea nei i le Iunivesite.

Peita’i i le saunoaga a le Vaovasamanaia, sa ia ta’ua ai le tāua tele o itu tau i a’oa’oga e pei fo’i ona ‘ave i ai le fa’atāua a le Mālō o Niu Sila.