O le tali atu a le Matagaluega o faatoaga ma faigafaiva e ala lea i le tufatufa ina atu o mailei puaa i tua i nuu ma afioaga taitasi ia ua oo atu iai.
Lea ua tali ai le mailei puaa sa avatu I gauta Sasina I gagaifomauga numera 3.
Mai ise pepa o faamatalaga mai I le itulau a le matagaluega I se latou asiasiga o loo faaalia ai le tele ma le anoanoai o puaa aivao ma mafai ona maua I totonu o lenei mailei sa avatu iai e le matagaluega mo le afioaga.
Ma o le ala tonu lea o loo naunau aile matagaluega oia tofutofusia uma itumao e 51 ma mailei puaa aua le tineia o lea faafitauli.
O le faaleagaina e meatua olo poo puaa aivao o mea toto, o fualaau faisua ma faatoaga a nuu ma afioaga.
Ma o se tali atu la o mailei neiu sa tufa atu e le matagaluega I le afioaga lea e oo atu I le 8 le tauaofaiga atoa o puaa aivao ia sa maua ma tapueina e le afioaga ma tape ina ia faititia ai le faaleaga ina o mea toto ma faatoaga a tagata.
Aua o le tele lava o nisi o aiga, o nisi nei o mea poo maketi o loo maua ai se alagatupe e fesoasoani I le atinaeina o aiga ma feasoasoani ai I mea fai a nuu ma ekalesia.
E ala lea I le ave o le latou faatoaga talo, fai, kaamu, ulu ma isi I maketi I fafo mo se tupe maua e fesoasoani ai I mea fai a aiga.
