E to’afa isi loia ua tofia nei e le tamaitai Loia Sili, Su’a Hellen Wallwork e fesoasoani ia te ia.
Pei ona faalauiloa e le itulau o faamatalaga a le Malo, o le toafa lea o le ‘a faaulu iai Vaega poo Itutino Faaletulafono i totonu o le Ofisa o le Loia Sili. O avanoa nei pei ona ta’ua i le itulau o faamatalaga a le malo, ua fai si umi ona avanoa.
Ua faitau tausaga o galulue nei tamalii ua tofia i le Malo ma auauna i le Ofisa o le Loia Sili. Ua iai agavaa i le tulafono a Samoa ma le Pasefika ose ‘ai foi lena mo le Ofisa.
O loia ua faamanuiaina e aofia ai: Leilua Sosefina Faamausili Assistant Attorney General – Commercial & International Laws Division , Pisinisi ma Tulafono Faalevaomalo
Leota Leitu Moananu-Morin Assistant Attorney General – Legislative Drafting Division, Vaega e tutusia Tulafono.
Letoafaiga Lalau David J. Fong Assistant Attorney General – Civil Litigation and Opinion Division.
Lupematasila Iliganoa Atoa Assistant Attorney General – Criminal Prosecution Division, Moliaga o Soligatulafono.
O se laasaga ua faamalosia’u i le Loia sili, Su’a Hellene Wallwork , i le agavaa oi latou uma lava ua tofia.
“Sa latou galulue faatasi ma le toafa lea ile taimi na tofia ai o ia i le Loia Sili, ia Setema 2021. Ma ia maitauina le silafia o nei foi loia, i le faafoega ole tulafono ae o le feagai ai ma le malo.
O le taimi utiuti o le aufaigaluega, ae sa galue lava le tagata , e ui o lu’itau ma le saputu o manaoga mo ni loia mo le malo.
Saunoa foi Su’a i luga o le pepa o faamatalaga, o lesi laasaga mo ia, o le galulue faatasi loa e faamautu le pulega e lima taitaina ai le Ofisa.” Ma ua atoa ai foi ii le auvaa o le Ofisa o le Loia Sili.
