Ua maoae foi le sau o talaaga ma faalauiloa a le Ekalesia o Zion Christian Mission Centre i totonu o Samoa, pei ona iai le latou faauga tele sa faia i Korea i le aso 12 o Novema o le tausaga lenei na faauuina ai le silia ma le toa 100,000, aofia ai ma tagata Samoa.
I le pepa o faamatalaga mai le Ekalesia o loo faailoa mai ai o lea talitonuga o se aoga faatusipaia oloo faatautaia e le ekalesia ole Lagi Fou male Lalolagi Fou a Iesu.
Peitai mai le na faauga tele sa faia le masina lenei o le 61 o nei au faauu e mai Niu Sila, toa 20 mai Samoa ma le isi toatele o tagata mai soo se atunuu o le lalolagi.
Ua faauuina ma tusipasi ua taua o le polofesa i le tusipaia ma le talalelei e faatatau i le Lagi fou ma le Lalolagi fou.
O le ekalesia ua silia male 100 ona lala lotu i le lalolagi atoa. O ona sui auai i le taimi nei e tusa male 300,000 tagata e le aofia ai male aufaauu talu ai, ae o le numera o ona tagata lolotu ua faatupulaia pea i tausaga uma.
