Ua faamuta mai e le Susuga Panoa Papalii Moala lona toe tali atu i tuuaiga a le taitai o le itu agai, Tuilaepa Sailele Malielegaoi.
Ma ua ia folafola foi ile feiloaiga ma Tusitala ile aso Lulu o le vaiaso nei, e le faatoese ile aulotu a Siusega , talu le’o iai lava se aafia ole ekalesia i lana faatalanoaga muamua, vagana ai le Susuga a Tuilaepa o loo la fetalia’i ai nei, lea ua folafola mai ai foi e Tuilaepa i luga o le FB a le HRPP, e ave o le avanoa tasi le vaiaso ia Panoa e faatoese atu ai ile ekalesia..
O le manatu o le Susuga a Panoa Moala, e uma loa lana tali atu i le vaiaso lenei ia Tuilaepa, ma taatia ai loa e talia ai sesi laasaga
O le finauga lea e ono oo atu i le faamasinoga, pei ona folafola e Panoa.
