Ole vaveao analeila i le taimi Cambodia,lea na sailia ai le tamaitai lalelei o le Kelope , o loo auai atu iai le sui o Samoa mo le taimi muamua, le afioga a Haylanni Pearl Kuruppu, ile faamalumaluga a le kamupani telefoni a le Vodafone.
Ile faagasolo mai ai o lenei tauvaga, na sosolo mai lava le tausala a le Vodaphone Samoa, Miss Global Samoa, ile toa 15 pito i luga.
Ma ia toe maua ai le avanoa ile toa lima maualuga e faia iai le filifiliga ole lalelei o le Kelope, e aofia ai tulaga 4 Vietnam, tulaga 3- Phillipines, tulaga 2 Thailand ma tulaga muamua ai loa Samoa, ae Miss Global – Miss Puerto Rico.
Peita’i ose tauvaga mata’ina ile maeu o le lagolago a le atunuu i luga o le fb, i faamanuiaga ae o moomooga faamalosi’au ile taumafaiga mulimuli ile vaveao analei.
O le afioga Haylani sa ia umia le Tausala Samoa o le 2022-2023, ma fili ai e le Vodafone e tauva ile lalelei o le kelope.
A’o talia ai foi le tapena atu a le tamaitai tausala o Samoa ole 2023-2024 Moemoana Safaatoa Schwenkie , i le sailia ose tausala ole Pasefika e faia ile masina fou o Fepuari i Nauru.
