Ua faamauina le toe a’e mai o Pisikoa mo lesi lima tausaga 

SHARE NOW
Ua toe faaauau ai  le lima tausaga o le faapaaga a le Pisikoa a Amerika ma le Matagaluega o aoga Taaloga ma Aganuu talu mai le vaiaso talu ai.
Ma faamauina ile faamatalaga faalauaitele  ai, lea feagaiga ile va o le faatonu o Pisikoa i Samoa, Gini Wilderson ma le Minisita ole Matagaluega, o Aoga Taaloga ma Aganuu, Seuula Ioane.
Ma molimauina e le faatonu o Pisikoa o lenei itulagi, Michael McCabe, ma le  sui ofisa sili o le Matagaleuga, Tuaopepe Perenise Tinei. Ua lata ile 56 tausaga o lenei auaunaga faapisikoa i Samoa, na omai tagata galulue fua muamua i le 1967.
Ua lata i le 2,000 o na tagata galulue fua, Volunteers ua galulue i Samoa talu mai lena taimi. Mo mea tau faatoaga , inisinia ma le soifua maloloina.
Taimi nei, ua galulue faatasi ai pisikoa ma faiaoga , e unaia le faitautusi , ae o le siitia o le gagana faaperatania, i aoga tulaga lua. Ole masina o Fepuari o le tausaga fou lea e toe foi mai ai Volunteers i Samoa, talu mai le taimi na o ese atu ai ona o le faamai o le Koviti19, ia Mati 2020.
Na ta’ua e le faatonu o Pisikoa i Samoa,  Gini Wilderson o le toe faafou ai o le faapaaga ma polokalame ose isi lea laasaga i luma.
O se amanaia tele foi mo le polokalame le auai mai o le faatonu o Pisikoa ole itulagi, mai le ofisa autu o Pisikoa i Uosigitone DC, e molimauina le sainiga o lenei faamoemoe. Ma ose naunautaiga foi lea i le polokalame lima tausaga mo Pisikoa ua saini nei, ole faamalieina lea o feagaiga o le faapaaga.