Ua faamautu le 2000 o potu o faletalimalo ma maota taitoatasi ua filifilia, atoa ma le 1000 o potu ua tapenaina ile vaa meli tele olea taula ile uafu i Matautu e api ai usugafono ua lesitala ma ua mautinoa le malaga mai.
O isi vaega taua e pei ole puipuiga ma le saogalemu oloo ua faatulaga lelei e pei ona taimua ai le Matagaluega o Leoleo ma Matagaluega oloo gafa ma o tatou tuaoi faavaomalo.
Olea galulue faatasi fou ma a tatou paaga masani e pei o Ausetalia ma Niu Sila, ma isi atunuu ole Pasefika ua ofo mai le latou fesoasoani, faatasi ai ma le malo o Peratania.
E faapea foi i tulaga i auala ua fuafua e famalagai ai taitai o malo ma a latou usufono, oloo galulue ai le komiti oloo gafa ma ia vaega.
Ole polokalame faapitoa mo le Tupu o Peratania olea faamautuina ise taimi lata mai, pei ona faailoa mai e le taitai ole malo.
