Pei ona amatamea atu ai le atumotu o le Pasefika ma molimauina na taualumaga ile fono a taitai o atumotu o le Pasefika lea na faia mai i Samoa ile vaiaso nei , talu mai le Aso Gafua, Lua ma ananafi.
O le fono lenei, pei ona saunoa le afioga i le Minisita o Faatoaga ma Faigafaiva a Samoa, Laaulileautea Fosi Leuatea Schmidt na fanau mai ile fono na malaga atu iai i Bankok i nai masina ua tuana’i. Ole fono a le SIDS, Small Island Developing States Forum 2022 e talanoaina ai auala e faatino ai upu ae ua le na’o faamatalaga faalele ma faapepa taatitia ai lava lea.
O le omai faatasi o atumotu o le Pasefika e atina’e ma talitonu lesi i lesi, lesi lea ‘ai tele o le fono lenei.
“Ua tutusa uma tatou i le Pasefika.
Saunoa foi le afioga ile Minisita, e tatau lava ona tatou faasoa, o a mea e maua iinei avatu i Toga, ma isi atumotu o mana’omia ai.
E faapena foi i mea e mana’omia ai e Samoa, e faasoa mai latou.
Pei ole faamanuiaga o loo iai le atunuu o Vanuatu i faatoaga o manu papalagi, poo povi.
Ia maua mai ai se na vaega o le faamanuiaga o Vanuatu mo Samoa, aua o le taimi nei, o povi Ausetalia lea ua atina’e iinei.
O tulaga lava tau i le faaauau ai pea ona maua taumafa a o tatou tagata, le itu o loo mafuli iai talanoaga ma faasoa a taitai ile vaiaso nei.
Pei foi ona manuia ai isi motu ole Pasefika ua faasoa atu iai le talo Piniki a Samoa, pei ona saunoa le afioga i le Minisita.
Ole fono lea a taitai o atumotu, ile vaiaso nei, o lo o faagasolo ai isi fono laiti, peita’i na faamavae ai ananafi le fono tele tolu aso, na tali Malo ai Samoa ma le lagolago a Malo aufaatasi.
