Ua fai foi le se’i a Ausetalia mo avanoa nofomau

SHARE NOW

E 3,000 avanoa o visa nofomau a Ausetalia, mo tagata o le Pasefika, e aofia ai ma Samoa, lea ua faamaonia mai e le Matagaluega o le Va i Fafo ma Fefaatauaiga a le malo tele o Ausetalia, e mafai ai ona resitara lou suafa i se se’i faapalota (tali tutusa ma se’i a le Ofisa o Niu Sila i tausaga ta’itasi), ua taua, o “Visa Faamau ma le Pasefika” (Pacific Engagement Visa).

Faailoa e le matagaluega a Ausetalia, o lea Polokalama fou ua fuafua e amata i le masina o Iulai i le tausaga nei 2023,

  1. e talia ai talosaga faaresitara (online registration) e faaoga ai luga o le upega tafã i lagi a le Matagaluega o Sootaga ma Aiga (Department of Home Affairs)
  2. O tagata talosaga o le a filifilia mai i latou resitara na faia, pei ona taua i luga.
  3. E tatau ona 18 – 45 tausaga o le soifua
  4. Mafai ona tuuina i ai lau fanau ma le toalua i luga o le talosaga
  5. E tatau i lē ua manuia lana resitara i le se’i ona i ai sana ofa i galuega i totonu o Ausetalia
  6. Tatau i lê o le a faamanuiaina i lea avanoa, ona ausia tapulaa mo le tautala ai i le gagana igilisi, lelei le amio ma leai ni solitulafono (good character, no criminal record), ausia aiaiga o le soifua maloloina lelei.
  7. Ma o le a faailoa atu e le matagaleuga nisi o aiaiga i luga o lenei visa faa palota.

 O lea foi anavatau a le malo o Ausetalia mo tagata Samoa ma le Pasefika, e fuafua tatauina lelei ia maua ai:

1. Avanoa lelei ma auauna mo A’oao’ga ma Polokalame  saunia i le aoaoina o fanau i le poto salalau (access to better schooling and Training for children)

2. Polokalama e vaaia fua ai Foma’i ma auaunaga Faafomai i Ausetalia (Australia Medicare Services)

3. Faamanuiaga Tau Tupe Maua mai le Ofisa o Lafoga mo Alo ma Fanau i totonu o Aiga (Family Tax Benefit B )

4. Polokalama sauni mo le Tōai Taunuu, atoa ai ma ni fesoasoani e ono manaomia (settlement engagement and transition support program)

5. faapea foi se polokalama e aoaoina ai le gagana igilisi mo i latou e ono manaomia. O lenei visa o se visa nofomau (permanent visa) peitai o loo tatala le avanoa i lē manuia lana se’i, e filifili ai mo se visa nofomau, faigaluega, pe na o le Aoga foi i Ausetalia.