“Ua faitio nisi o Matua i Avanoa Sikolasipi”—Tuu’u Anasii

SHARE NOW

Na amata mea le faipule o le itumalo Siumu, Afioga Tuu’u Anasii, i le fono a le Palemene le aso.

Ma ia saunoa ai, o lana mataupu e agatonu i le tamaitai palemia, Afioga ia Fiame Naomi Mataafa, e uiga i avanoa sikolasipi.

Pe le ua tatau ona silasila toto’oa i le iloiloina o Sikolasipi, ona e iai faasea o le toatele o matua ua oo atu e faatatau i Sikolasipi pei ona ofo mai e le PSC ma le Malo mo fanau aoga.

“Ua ou maua pea le tele o faitioga o nisi o matua i lea tausaga ma lea tausaga, o faitoga oloo faapea mai nisi o matua o a latou fanau oloo ausia maka e tatau ona maua ai sikolasipi ae leai, ao isi tamaiti e le ausia maka ae oloo manuia i sikolasipi, pe le tatau ona toe Iloilo poo fea o iai le amiotonu ma le sa’o o nei mea,”

Ae na tali le afioga le fofoga fetalai o le maota afioga Papalii, e tuu atu ni faamaoniga o lana mataupu i le ofisa o le palemia ma le ofisa o Sikolasipi.

“e manaia le mataupu, ae vaai lelei ni mau ma ni faamaoniga ona tuu pepa le ma aumai le ofisa le palemia ma le ofisa o sikolasipi,”

Peitai o le mataupu lea na tatou fesiligia ai le ofisa sili o le matagaluega o Aoga, afioga ia A’eau Christopher Hazelman,le vaiaso ua tuana’i ma ia saunoa ai e le sooa tuua e le Matagaluega ana avanoa sikolasipi, ua iai lava taiala ma tuutuuaga mo nei avanoa Sikolasipi.