O maliu lilo e maua tino maliu, ma maliu lilo e oo mai nei e le’o maua o latou tino. E oo lava i maliu lilo e faafoliga ose pule i le ola, e le’o mafai foi ona tali
Peita’i ua tausaga atoa ai nei talu ona avatu i leoleo e le aiga o TuuauMaletino ni molimau e tulituliloa ai le tagata na solia lo latou atalii, ae oo mai nei, e le’o mafai lava e leoleo ona tali le fesili, pe ua maua le avetaavale e ana le tavaale na solia le alii talavou i Vaiteleuta ma maliu ai.
O le suesuega lea a leoleo na ta’ua e le Sui Komesina o leoleo ma Falepuipui, Auapaau Logoitino Filipo, o loo faaauau pea a latou suesuega, e le’i maua lava se isi o masalomia. Ma ia tuuaia le aiga faapea o molimau na avatu i leoleo tala mai luga o le Facebook.
Peitai, ole faatuai ona maua ose tali mai leoleo na fai ai loa le suesuega faaletotoifale a le aiga, ma maua ai faamatalaga ole taavale na avatu i leoleo.
Olesi maliu lilo o loo talia pea se tali, ole alii talavou mai Solosolo, na o ma se tina Samoa mai fafo e tafafao i fale tumatafaga i Mulivai ma isi alii ae mou ai Semi Leau, e oo mai nei, ua toe foi lava le tina Samoa ifafo, ae leai se tali ole maliu lilo o Semi.
O lesi maliu ile masina na te’a nei, o se alii talavou na maua atu lona tino maliu i tua ane o le aai o Malie.
Ae o le vaiaso nei lea ua toe fafagu mai ai lagona tiga mafatia o matua, ma tauaiga ole atalii ia Tuuau Maletino, 18 tausaga o Vaitele ina ua tausaga atoa, o loo lilo lava le avetaavale na maliu ai lo latou atalii.
