“Ua fo’i mai la’u asiasiga i Savaii na alu ai Land Cruiser” Olo Afoa Fiti Vaai

SHARE NOW

Ua faitau vaiaso talu ona fealua’i le Minsita o Galuega, afioga Olo Afoa Fiti Vaai i lana taavale, Land cruiser.

Ole ta’avale lea i tatou sailiga na faamaonia ai le uma ona toe faatumu le tupe a le Samoa Airport Authority 50afe tala na deposit ai le tau o le Land Cruise ile kamupani taavale i fafo na faatau mai ai le taavale lea a le Minsita.

Ua tatou maua foi, na ala ona aumai i Ausetalia, le Land Cruise a le afioga a Olo, talu e le’o maua i le Kamupani taavale ale Toyota i Samoa.

Na tatou maua foi, e lei mana’o le Minisita e faaaoga le Parado ale Malo i ana galuega e fealua’i ai i galuega i tua ile gaoa, talu e magumagu i afaina taavale a le malo.  Ae o le Land Cruise e fetaui tonu lava ma le ituaiga o galuega o loo fealua’i iai.

Ole Land Cruise lea na tuuaia ai le Minisita faapea ua lesitala i luga o lona igoa. Peita’i ua tatou maua faamaoniga o loo lesitala lava ma laisene le Land Cruise lea i lalo o le Matagaluega o Galuega a le Malo MWTI Ministry of Works Transport Insfrastructure laisene plate 42298.

Ae aisea ua le faapipiia ai Mata’itusi MWTI i luga o le licence plate o le Landcruiser: Na tali le Minsita, Talu ai ole taavale lea o loo faatupe i tupe ole poloketi, seiloga lava e uma aloaia le poloketi lea, ona faatoa avane lea o le taavale i le Matagaluega, ma agavaa ai loa e faapipii iai le MWTI i le laisene plate, na saunoa o faiga faavae lava na o poloketi.

Ae mai fea le tupe ua faatupe ai le taavale? Na saunoa Olo, o lana matagaluega na faailoa atu ia te ia, o loo iai tupe totoe ole Poloketi ole Water Front , le vaega na fesoasoani mai ai Niusila. Ole tupe lena e toe faafoi pe’a le faaaogaina pei ona faailoa atu e lana matagaluega.

The title of the Government vehicle in question

Ma ole tupe tonu lena, $200afe tala na faatau ai lava le taavale e faaaoga ile poloketi lea ma isi atina’e. Ma toe faatumu ai le tupe na avane ile Samoa Airport Authority e faamau ai le taavale ile taimi muamua.

Saunoa Olo ole amataga sa tuu e provide mai e le Airport Authority le taavale e fai ai galuega a le Minsita. Lena sa deposit iai le latou 50afe tala ile kamupani sa tuu e faatau mai ai.

Ae 2 vaiaso mulimuli ane, ae ta’u atu e lona Ofisa e iai le savings, o le funding mai Niusila o le Water Front Project, o le ‘a toe faafo’i.

Ma ia faatonua loa e avane le tupe lena e faatau ai le taavale ole poloketi ae taatia le fuafuaga e faatau e le Pulega ole Malaevaalele mo le Minsita.

Ole tupe lena na toe faatumu ai le 50afe a le Pulega o Malaevaalele na ulua’i faia ai le peimeni muamua o le Landcruiser. Ma sa ia faamalamalama uma lava na mea ile Kapeneta ma le Ofisa o tupe, pei ona tali mai ai le afioga i le Minsita ile tatou faatalanoaga.