Ua i laufanua o Fiti ma Niusila le Kraken

SHARE NOW

Ua alia’e nei i Fiti le siama XBB.1.5 o le Koviti 19- poo le Kraken.  Na sosoo aso lava le taimi na alia’e ai i Niusila le siama, ma le taimi lea ua maua ai i Fiti i le faaiuga o le vaiaso na te’a nei.

E lua malaga a vaalele mai atunuu o taua i luga e taunuu mai i Samoa ile aso.

Ae o ta’ua e le Faatonusili o le Matagaluega o le Soifua Maloloina, Aiono Dr Alec Ekeroma, ole wave lona tolu lea o le Koviti i Niusila a’o lei faia le Kilisimasi, e le’i atagia ai se a’afiaga tele o le atunuu.

E lei iai se faaopopoga i tagata mamai e ui i le tele mai o malaga a vaa.

Ma o le’a talanoa ile Vaega a le Matagaluega ole Soifua maloloina ma latou paaaga i Niusila, ona toe logo mai lea o le Radio Polynesia.

Ae o ta’ua e ele WHO, World Health Organization , e 31 isi atunuu lea ua maua ai le Kraken.

O loo faamauina e le U.S. Centers for Disease Control and Prevention (CDC) poo le vaega faatonutonu o faama’i a Amerika, o lesi vae lea o le siama, Koviti 19, le  XBB.1.5 omicron variant, poo le Kraken, e matua vave lava lana pipisi.

Ae ole aofai o tagata pisia i le Kraken talu mai Tesema 31 2022, e tusa ma le 18pasene o tagata na aafia i le coronavirus.  sosoo atu ai ma le faaopopoga i le 28 pasene ile faaiuga o le vaiaso muamua o Ianuari 2023.