Ua i lima o leoleo le alii ia Sam ma nisi o tamaitai se toa lua

SHARE NOW

Ua faamaonia mai e le sui Komesina le afioga ia Papalii Monalisa Tiai Keti le maua lea o le alii ia Sam Simiko ma nisi o tamaitai se toa lua ua leva ona tau sailia, oi latou na sa ta’ua faalauaitele e Sam i se tasi o ana molimau e sootaga i le mataupu o le maliu o Tuuau.

I lea lava ripoti o loo faailoa mai ai o le taeao o le aso na taofia mai ai e leoleo i latou na i se vaega o le taulaga i le taeoa o le aso Fraile nei.

O Sam ua leva ona sailia e le Matagaluega o leoleo ina ua maona ane i luga ana faamatalaga tuusao i se tasi o ala faasalalau mai Niusila ma tautino mai ai o ia sa vaai tino i le faalavelave na tupu ile alii aoga ia Tuuau, e aofia ai ma tagata o loo aafia ai.

Peitai e lei mafai ona faaoga e le Matagaluega o leoleo na faamatalaga ma molimau a Sam talu e leo iai ni faamaoniga maumautu, ae ua sailia ma maua ua taofia nei ona o le faia o ni faamatalaga le mautinoa ma aafia ai faipule o itumalo.

Ae ua faasolo galuega a le Matagaluega o leoleo talu ua maua le tagata sa suesueina ma lagalaga maia i luga le mataupu lenei e sootaga ile maliu ai o le alii ia Tuuau Maletino i le 2 tausaga talu ai.