E $50,000 le siaki tupe na foaina ile Aso Gafua o le vaiaso nei, e le SCOPA Niusila poo tama fanau a le Kolisi o Samoa o loo alala ma nonofo i Niusila, e fesoasoani ai i le faamoemoe a le Kolisi o loo faagasolo nei.
Na taua e se tasi o tama tuai o le Kolisi o le toatele o le Asosi lea mai Niusila e leo mafai ona auai mai ona o galuega ma nisi o tuatuagia ae o le agaga moni o loo fia auai ma faatasi mai aua le molimauina o le faamoemoe.
O le atoa ai o le 70 tausaga talu ona faavae mai le Kolisi o Samoa i totonu o Samoa o se faamanuiaga mo i latou uma sa aotauina mai lava i lona faatoa amata mai.
Pei ona iai le tina matua ia Naitua Taefu sa valaaulia faapitoa mo le feulaina o le keke o le aso fanau ile amata o le vaiaso nei, i luma fale o le malo, o se tasi lea o toe ulutaia o le vasega o le tausaga e 1953 ile faatoa amataina o le Kolisi o Samoa.
Peitai e le na o le pau lea o le asosi ua tau aao atu ma ofo atu foi lo latou tauau fesoasoani e ala i seleni aua le faataunuuina o le faamoemoe o loo taulai mamao ai le Asosi o tama ma teine tuai oloo vaaia le aoga mo le taimi nei.
O le vaiaso atoa lava lenei o loo faatino ai polokalame faagasolo a le Kolisi mo le faamanatuina o lona 70 tausaga.
