Toe fa vaiaso o loo totoe ona alo loa lea o le itumalo o Gagaifomauga Numera lua i lana palota latiti.
O le tala lata mai ile sui o le Itumalo oloo tapena e alu ile palota ole vaiaso fou ole’a faalauiloa aloia ai lona sui ise taimi tala mai e le Vaega faaupufai a le FAST.
Lea ua faamautinoa mai le avatu ole lagolago a le Vaega faapufai a le FASTia te ia. O le tasi foi lea o tamalii sa taumafai e ala i le Palota tele o Aperila ole tausaga talu ai.
Peita’i o le metotia a le FAST, ile palota tele o le 2021, “ia tasi le itumalo tasi lona sui tauva”, pei ona saunoa lona Ta’ita’ifono, Susuga Laaulialemalietoa Polataivao Leuatea Polataivao Fosi Schmidt.
Na afua ai ona ave le faaaloalo a sui e toalua a le FAST ile Afioga a Vaele Paiaaua Iona, na manuia ai le palota a le FAST mai le itumalo lea .
Peita’i ole tuua ai o le malo e le Afioga a Vaele ile masina o Mati 25, ua avanoa ai loa le nofoa .
Ma ua agavaa ai loa se tasi o le to’alua na fia tauva i le nofoa lava lea ile palota tele mo le palota laititi ia Iuni 3 2022.
Na saunoa le taitaifono o le FAST, o sui foi na o loo ave iai le famuamua a le latou vaega faaupufai.
O se taimi lata mai o le masina lenei, o le’a faailoa atu ai le suafa o le tamalii ua ave iai le faamuamua a le FAST e tauva mai ile nofoa o le itumalo o GAgaifomauga Numera 2.
O Gagaifomauga ll e aofia ai afioaga o Paia , Samauga, Lefagaoalii, Matavai Faletagaloa ma Fatuvalu.
