O soo se faamoemoe lava e sii, e manaomia lava le lagolago ma le tapuaiga a le atunuu. E faapena foi le taofi ma le naunau a le manaia event ma le tausala o le atulaulau ia Haylani Pearl Kurrupu. O le taeao nei lea ua faamoemoe e tuua ai Samoa e le tausala ole atulaulau a Samoa lea ua filifilia e fai ma ave fu’a a le atunuu e auai atu I le tauvaga tele lea e faia I Mexico ile aso 17 ole masina fou. O Haylani Kurrupu lea ua filifilia nei ma faapaleina e alu I lea tauvaga ona sa fua lea I luga o le tele o le tomai ma lona agavaa I tauvaga faapenei, lea e lei leva atu foi le tauvaga o le tausala ole kelope lea na faamanuia ai ile tulaga ole first runner up ile tausaga ua mavae atu. Ole lona 73 ai lenei o tauvaga faapenei talu ona faavaeina mai ile tausaga e 1952 ia Iuni 28. Ma ose faamoemoe ua leva ona tapena mamao iai le Manaia event. Ma o lona auai atu I lea tauvaga fou e le gata ile faailoa atu ile lalolagi o le atunuu o Samoa, atonu foi olea ia pale mai ai loa I lenei tauvaga taua. O laei tauva uma a lenei tamaitai lea ua maea ona tapena uma iai se tasi o faleofu iloga I Vietnam, ae ole ofu faaleaganuu ua tuufaatasia lea e le faleofu I filipaina ma le fesoasoani atu a le Manaia Event.
