Ua na’o foliga ma faamaumauga ua maua e leoleo, ole alii talavou lea na ia taumafai e osofai le tina tulisi ma ona alo i le taulaga i Apia ile Aso Sa talu ai.
Saunoa le afioga i le Sui Komesina i le feiloaiga ma Tusitala i le aso, Papalii Monalisa Tia’i Keti, ole Camera po o le mea pu’e ata a le Farmers na maua ane ai ata o lea alii.
Ma e le fou i mataupu faa solitulafono Silao Leleiga poo Silao Faaleleiga. O nuu o loo lisi ai lea alii, e aofia ai Saanapu, Sapunaoa, Nofoalii, Vaitelefou ma Sala’ilua.
Ua faalauaitele mai ai nei le talosaga a le Matagaluega o Leoleo ile atunuu, ise faamatalaga e sootaga i le taofia mai o Silao e logo ane le ofisa o leoleo.
Ua sailia ai nei e leoleo i lana gaoiga faasolitulafono , o le faomea , faasaga i le tina tulisi ma ona alo i le Aso SA talu ai ile taulaga i Apia.
Saunoa le Sui Komesina o leoleo, o le galuega e fai faatasi le puipui e lesi o lesi, aemaise o le saogalemu.
Peita’i o loo faia pea lava suesuega a leoleo i meapueata ma oloa a le Au pueata a le Survivor, na gaoia foi ile tatou atunuu.
