Ua faamuta aloaia ai le tautua a le afioga ile tamaitai Faamasino o le Faamasinoga Maulauga a Samoa, Justice Tafaoimalo Leilani Tuala-Warren ile aso.
Ma o lona aso mulimuli lenei ile Faamasinoga Maualuga i Mulinuu, Ma tatou molimauina ai ile aso ananafi, a latou pu’ega ata i luma Maota o le Faamasinoga.
Faatasi ma faamasino o le Faamasinoga Maualuga ma le Faamasinoga Faaitumalo, e manatua ai le mafutaga ua faitau tausaga ma lea foi alo o Samoa.
E manatua pea foi le afioga Justice Tuala – Warren, I le taimi o faiga faamasinoga ole Palota tele o le 2021, ma faaiuga taua faasolopito, ile tofiga a le Faamasinoga o le faigamalo o Samoa o iai nei.
Maitauina foi lona tula’i ma ose faatonu muamua ole Samoa Law Reform i le 14 tausaga talu ai, a’o le’i tofia e avea ma faamasino ole faamasinoga faaitumalo,
Ma amata mai ai ona faatu le faamasinoga o soligatulafono i aiga ma tupulaga talavou,
Ole afioga a Justice Tuala Warren, e toalua iai tamaitai faamasino o le faamasinoga Mauluaga, lea ua lata ile 10 tausaga o galue ai.
I moomooga alofa o le vasega o Faamasino, na faamauina I lo latou ata faatasi i luma maota o le Maota Faamasino i Mulinuu, I lona faasologa mai le itu agavale laina I tua:
Justice Leiataualesa Daryl Clarke, Senior Justice Vui Clarence Nelson, Chief Justice Satiu Simativa Perese, Justice Tafaoimalo Leilani Tuala-Warren & Justice Fepuleai Ameperosa Roma. Laina i luma mai le agavale, Faamasino o le Faamasinoga faaitumalo: Judge Loau Donald Kerslake, Judge Talasa Atoa Saaga, Judge Alalatoa Rosela Papalii & Judge Leota Raymond Schuster.
O le aso le aso mulimuli ole tamaitai faamasino Justice Tuala Warren ile faamasinoga Maualuga, ae malaga atu i Niusila e faatasi ai ma lona aiga.
