E tausaga atoa lava lea ua taga’i ai nei le pulega ole malo, e faamanatu ai le atoaga o le 60 tausaga ole tutoatasi o Samoa.
O le vaiaso nei lea na amata ai ona aloaia tapenga o lena faamoemoe.
E aofia ai le sauniga faapitoa e faalauiloa ai , le Mau tauave o lesi 12 masina o lumanai nei, o le’a faagasolo auau’ai mai ai sasa ole tutoatasi o Samoa i lona 60 tausaga.
O le mau tauave lenei sa faatauva faalautele iai le atunuu, ae toatasi lava na pikia mai le 59 oi latou na fai sao ile sailiga o se Mau tauave, poo le LOGO ole 60 tausaga talu ona tutoatasi Samoa.
O le Mau tauave na tusia e le kamupani Niusila Blue Wave, e iai foi ona ofisa i Samoa nei, ua fili mai e faaaoga i tapenaga o le sisigafu’a, ma tuuina atu iai le $5afe tala, ma ua avea ai nei lea Mau tauave ose Meatotino a le Malo.
“Folau ma le faatuatua, Sail with Faith.”
O le taua o lenei faamoemoe sa auai iai le afioga i le Palemia, o Faaao ole Malo, Minisita Kapeneta ma faaulu o Matagaluega a le Malo.
O tapenaga uma o le aso fanau o Samoa lona 60 tausaga na saunoa ai le afioga ile Minisita o Tupe, Mulipola Anarosa Ale-Molioo, i luga o le EFKS TV ua faataatia ese foi le seleni mo lena faamoemoe o le malo.
