Ua amata ai le vaitau o aso fiafia o le 2022, i tiga o faanonoaga ole maliu ma le oti , mo le tina 37 tausaga o Toamua.
Ina ua maliu lana tama na avatu i le falema’i, o tuua’ia ai le tina.
Ua faamaonia mai e le Komesina o le Matagaluega o Leoleo, Auapaau Logoitino Filipo, le molia ai e leoleo o le tina Toamua lea, ile fasioti tagata pa’ivalea.
Ua molia foi i le faaaupegaina i le aupega mata’utia , ua afua ai se manuaga, ua afua ai se mauaga tuaga i le tino.
E sootaga na moliaga i le maliu ai o lana tama teine 13 tausaga le matua, pei ona tali mai ai le Komesina i fesili a le leitio Polenisia.
O masalomia, na togi e le tina lesi o ana tama na tamo’e ae alu atu ai le maa tau i lana tama teine lea 13 tausaga, na avatu i le falemai mo se fesoasoani, ae mulimuli ane maliu ai.
O le fasioti tagata pa’i valea o matua, ua ose faaletonu tupu pea talu le ita vave ma le lima tete ole matua.
Ua le tasi pe lua matua ua falepuipui ona o le solitulafono lava lea e tasi.
E ese mai sauaga faasaga i tina ma fanau, o loo faamamafa i tama, peita’i o loo molimauina pea le iai foi o le sao o tina latou ile faatupuina o sauaga.
O le vaiaso talu ai ma faasolo mai ai ile vaiaso lenei aoaoga faaauau a le Toomaga mo e puapuagatia, SVSG i tagata o faatupuina sauaga, ma tagata sauaina, o se vaega o le sao o le Toomaga i le 16 aso faasaga i sauaga i Samoa.
Ae o le 16 aso lava lea, le mafuaga o le Savali uliuli, poo le “Malu i Fale” e silia i le 3afe tagata na lagolagoina ma savavali ai ile taulaga i Apia.
Pei ona molimauina i le tina lea mai Toamua 37, ua molia e leoleo i le fasioti tagata pa’ivalea.
