Ua le faatalia ia Talalelei faamasinoga o Paulo ma Sione 

SHARE NOW

Ua atofa ai nei e le Faamasinoga Maualuga le faaauau loa o le faamasinoga o alii e toalua o loo molia e leoleo i le taupulepule e faaoo le maliu i le sa avea ai ma Palemia I le faigamalo talu ai a le HRPP, Tuilaepa Sailele Malielegaoi. 

O le moliaga a leoleo sa faia faasaga ini alii se to’afa. O lesi pei ona ta’ua e le faamasino Justice Nelson ua uma ona faia iai le faaiuga. 

Peita’i o lesi toatolu, e aofia ai Talalelei Pauga o le tagatanuu o Ausetalia o loo nofo nei i Ausetalia. 

O isi alii e to’alua o Lema’i Sione ma Malele Paulo poo King Faipopo, o lo o i Samoa nei lava e talia le taimi e valaau ai le mataupu lenei. 

Saunoa Justice Nelson ua talia e le faamasinoga, e tasi lava le mataupu o loo molia ai le toatolu lea. E faigofie foi mo le faamasinoga le tasi o le taimi. Peita’I e iai le tulaga ese o loo tula’i mai. 

Pe ono tulai mai le tagata lenei e fofoga ai mau ma molimau. Talu ua mautinoa mai e le’o iloa se aso e aumai ai lesi ona, e le nofo mau i Samoa nei. 

Saunoa foi le faaamasino o mataupu ogaoga faapenei e tatau ona fai iai se faaiuga ise taimi vave.

Ua savali ai nei ile fa tausaga o faatali, ona ole taumafaiga ina ia valaau faatasi ile faamasinoga i latou o molia. 

Peita’i ile saunoaga a le Faamasino, Justice Nelson , o le ‘a fai ese le faamasinoga o le to’alua lea o loo i Samoa nei, Malele Atofu ma Lema’i Sione. 

Ae o loo tuu atu pea le avanoa i leoleo,  se ia oo ise aso, pe mafai ona latou aumaia Talalelei Pauga, poo le sau lava o ia ise taimi. 

Saunoa Justice Nelson,” o le tologa mulimuli foi lea o lenei mataupu,” o loo tetee ai le toalua o ta’ua i luga i moliaga a leoleo . 

Ma ia atofa ai le aso 13 o Mati, e tuuina atu ai mau ma molimau i le faamasinoga o lenei mataupu.