E lata i le $1,000 UN le tau o le isi masini ultrasound poo le fa’ata oloolo mo tina ma’itaga na foai atu i le Aso ananafi e se vaega o fomai fesoasoani mai Saina mo le Maota gasegase i Motootua.
O le lona valu ai lea o team o fomai fesoasoani ofo fua mai Saina ua mafai ona galulue i Samoa, na amata galulue mai i le masina o Me o le tausaga ua mavae ma faamaeina a latou galuega i Samoa i le masina o Me o le tausaga nei.
O le tuuina atu ai o lenei masini i le fomai ulu o le vaega o tina ma tamaitai to le susuga ia Dr Glen e fai ma meaalofa i lo latou foi oo mai Samoa ma galulue ai.
Saunoa le susuga i le alii fomai ia Glen o le lua ai lea o masini i le vaega lava ia e siaki ai ma’itaga ese mai isi fomai e lua o loo ile fale fa’ata.
Peitai o loo manaomia lava nisi faata se lua mo le faatinoina o le galuega, ae maise o le toatele o tina ma’i taga e tuuina atu.
Na taua foi e le susuga ia Glen o Savaii o loo tele se faaletonu i masini nei ona e na o le falemai o loo i Tuasivi o loo tuli tasi mai e tina mo a latou faata.
E leai ma se falema’i faaitumalo o iai se masini faapenei, ma e matuai manaomia ai nisi masini faaopopo i Savaii.
E taua tele masini nei mo le tuuina mai o se tali mautinoa o faata o tina ma’itaga.
