Ua maea ona faatauto Leoleo ole falepuipui

SHARE NOW

Na faatauto ai le amataga o le vaiaso nei leoleo fou e toa 15 i totonu o le potu Faamasino faa itumalo e le afioga ia Loau Donald Kerslake.

I le maea ane o vaiaso e fitu sa fai ai toleniga ma suega e sootaga ma le tulaga ua faatauto ai, o le avea lea ma ofisa ile Falepuipui i Tanumalala, Vaiaata ma Olomanu.

Ma o le au faauu muamua lea talu ona tuu mavaevae pe tuu eseese le vaega o Leoleo ma le vaega o Falepuipui O lea toa 15 e toa iva tamaitai ae toa ono o alii, o le sui Komesina o le Falepuipui ma le ola toefuataina le afioga ia Leiataua Samuelu Afamasaga, ma nisi o le aufaigaluega sa auai e molimauina le faamoemoe.

Na faamanatu ma faamalosiau le afioga ia juidge Kerslake ile vasega faatauto, “oi latou e faamoemoe iai le malu ma le saogalemu o tagata o loo nofo sala i le toese, ma oi latou foi o loo faamoemoe iai le saogalemu ma le ola o le mamalu o le atunuu mai tagata o loo nofo sala ile falepuipui,”.

Sa ia faamalosi foi “o le latou valaaauina e taua, afai o lou tofiga lea o le avea ma ofisa ile falepuipui o lona uiga e manaomia le faia ma le faamaoni i luga o le tulafono e aunoa ma se faata’eta’e aluga poo le faaituau o le galueg.

“Galulue faatasi ma felagolagomai faatasi ma ia manatua ia faaaloalo ile tou taitai ma le tou pulega.”

Peitai o le aso 17 o le masina lenei olea faauu aloaia ai i latou nei e toa 15 i le ofisa o le Matagaluega o aoga taaloga ma aganuu i Malifa.