Ua mae’a tauaao ai nei e le Ao mamalu o le malo o Samoa Afioga Tuimalealiifano Vaaletoa Sualauvi II, tusi tofiga o le sui ole malo o Mexico i Samoa, H.E. Mr Alfredo Perez Bravo.
O le vaiaso talu ai na faia lea sauniga faapitoa ile Ofisa o le Ao ole Malo I Valele.
Peita’i e alala ai le alii Amupasa I Ueligitone NZ. O le 2008 na faapaaga ai Mexico ma Samoa, ma faaauau mai ai le aloaia o a la tofiga.
Saunoa le alii Amupasa, ole manaoga o lona malo o le fetufaai lea i mataupu e aoga mo tagata ma malo e lua, e aofia ai le maliega e faasoa ai faamatalaga i mea tau Lafoga talu mai le 2012 ma ia toe faaolaola le sootaga o tagata.
Pei foi ole avea ai ma sui o Malo Afaatasi, ae ole galulue ai e tausia le filemu ma le saogalemu ae o le una’ia o aia tatau a tagata, ma le tutusa ai o tagata.
Ua 46 tausaga ole soifua ole alii amupasa, ua silia I le 50 isi malo ole atu Aferika, Caribbean, Asia, Europa ma le itulagi, ole 2019 na tofia ai e fai ma sui o Mexico I Niusila, Samoa, Tonga ma Tuvalu, ua faaipoipo, e toalua ona alo.
