Ua maeu le tauvaga ole Miss Samoa o lenei tausaga, ma le taupati mai o fono a itumalo filifilia.
O gafa ma le faamatagofieina o taavale teuteu mo tamaitai tauva e 15, ole aofai foi lena o taavale oi le solo.
E tofu lava le fono faavae ma lana tama’ita’i e teuteu faatatau iai le taavale ma le sini ole faamoemoe, e saofaga mo le manuia lautele.
Ua avatu iai le $45,000 i fono faavae e latou te faatino ai lea faamoemoe pei ona molimauina ile aso.
Ole tauvaga ole Miss Samoa, lea e taualuga iai lenei aso ole Teuila, ma faia ai lona laugatogi ile po a taeao, Aso Toonai ile faletaalo i Tuanaimato.
