Ua silia ma le 1,900 le aofai o tagata Samoa o loo galulue i galuega faavaitaimi i Niusila ua maea sainia maliega e vavae mai le tai 5% mai o latou totogi mo a latou SNPF i Samoa.
Ua maea foi ona fai tuutuuga ma maliega a Samoa ma atunuu o loo faaauala atu ai tagata Samoa mo galuega faavaitaimi pei o Niusila. Ina ia vavae ese mai se vaega o a latou pay e faaaopopo i a latou saofaga i Samoa nei, e faaauala mai le ile NPF ma le faletupe o le BSP.
Peitai ua faailoa mai e le Minisita o le Matagaluega o Pisinisi Alamanuia ma Leipa, le afioga ia Leatinuu Wayne Sooialo, e gata mai le maualuga o le npf a le tagata o loo galue faavaitaimi i le 5 pasene ma e faia foi lea tulaga i luga o le loto malie o le tagata o loo alu i galuega faavaitaimi.
E le’o mafai ona faia se tuutuuga faapenei i Ausetalia, ae mo Niusila lava ia a maea ona vavaeese mai le 5% lea mai lou totogi ua iai kamupani latou te nafa ma lea tulaga o le faamaopopo o saofaga o tagata Samoa uma nei ma lafo mai i Samoa.
Peitai ua faamaonia mai foi e le Leatinuu, talu na amata le polokalame lenei ua sili atu ma le 6miliona ua maea ona tuuina mai e Niusila ma vaevae loa i lalo o saofaga oi latou na sainia lenei maliega.
O i latou foi la ia ua iai le avanoa e tutusa ai a latou saofaga mai latou o loo fai saofaga iinei Samoa, mafai foi ona fai a latou entitlement ma tutusa pasene e maua pea oo ina fai pasene a le au fai saofaga.
