Ile tatou tuliloaina ose tala lata mai ile faatafa gasegase o lana afioga i le tamaitai Palemia, Fiame Naomi Mataafa ua taliu mai ile atunuu, ile uma ane o fonotaga ma togafitiga ile maota gasegase i Niusila.
Ma tatou fesiligia ai le afioga ile sui Palemia, Tuala Iosefo Ponifasio, i lena tulaga ma ia saunoa, ua manuia le afioga ile taitai ole malo.
Ua faamaonia foi ele afioga i le Sui Palemia, le tapena ai o le malo mo le fono muamua a le Palemene , 2024 ile aso a taeao, o le a faatalanoaina ai le tala faaopopo ole tupe faasoasoa a le malo, 2023-2024.
Peita’i o le faaiuga ole vaiaso na te’a nei, na usuia ai se Fonotaga faalemasina ale Vaega Fa’aupufai Fa’atuatua i le Atua Samoa ua Tasi FAST e tapena ai ana Polokalame mo lenei Tausaga galue 2024.
Ma saunoa le afioga ile Taitaifono, Laaulialemalietoa Polataivao Leuatea Schmidt, ile tatou faatalanoaga, ole fono masani ai lava, faalemasina.
Maitauina na toe mata’itu ai lana taiala poo le Pathway for the Development of Samoa, lea na omai ma le FAST e Savavali ai lana faigamalo, mo le lima tausaga o tuli nei.
O taeao ,e usu ai le fono muamua a le Palemene o lenei tausaga.
