Mai le fono a le Palemene e talitonu le faipule ole itumalo o Faleata 1, Manuleleua Paletasala Tovale, o loo gaosia lava i Samoa fualaau faasaina, e tagata na omai ma le iloa mai fafo, lea ua nonofo ai i Samoa.
Peita’i o lesi mataupu na ia laga ole tatalo atu ile Minisita o faatoaga mo mailei meaituaolo, lea ua tali fuaitau ai le Minsita o faatoaga, Laaulialemalietoa Polataivao Leuatea Schmidt, e 20 mailei ua taunuu, mo nuu na talosaga muamua, ae o isi itumalo e ao ona faaoo atu talosaga ma faaaoga iai tupe o le miliona a latou itumalo.
Manuleleua, “Fualaau faasaina i le atunuu, ae ua fai i totonu o le atunuu, o latou lava lea na maua muamua, ae o latou e nonofo i fafo, ua gaosia lava e latou i Samoa, faafetai ile Matagaluega o leoleo,”
“Faafetai ile Minisita o Faatoaga, i talo ma oloa avatui fafo, ae o mailei, ma o latou aoga, mo le aufai faatoaga, poo afea e oo mai ai Mailei e mana’omia e le matou itumalo, ae o matou lea e fai ma’umaga,”
Peitai saunoa Laauli, “Mo le silafia ua taunuu le 20 mailei, ile vaiaso talu ai, o mailei ia sa aumai muamua le lua e faataitai ai Upolu ma Savaii,”
“A’o faafofoga mai itumalo o aafia, faafesootai mai ona faasolo atu lea, e tai 10, mo Upolu ma Savaii, ae ia tofu le itumalo ma mea faapea, avatu lau tusi talosaga, e le’o ni mailei o aso la, sa tasi, le puaa na maua,”
E atoa le vaiaso o tatao faatoa pa’u le mailei i lalo, e oo ile 10 puaa e maua ai.
O le faamoemoe, 51 itumalo , faaaoga iai tupe ole tou miliona.”
O Vaimoso pei ona faamanatu e lona faipule e 200eka na faamatuu atu e le Slc e galulue ai i Laloanea, ua uma ona vaevae ile latou nuu ma nuu tuaoi, o loo iai eleele o Vaimoso ma nisi o nuu o loo galulue, ai.
