Ua oo mai Samoa le manu faalafuā ole Mongoose.

SHARE NOW

Ua fesiligia ai nei pe na faapefea ona oo mai i Samoa le meaola faalafuā ole Mongoose.

Lea ua faalauaitele mai e le MNRE matagaluega o oa Faanatura ma le siosiomaga, ole Aso Tofi talu ai, 22 Aukuso 2024 na faailoa atu ai e le ofisa ole Pulega ole Suavai i Vaitele, le meaola lea ile latou lotoā.

Talu ai ua iloa e le MNRE aafiaga o lea meaola ile siosiomaga o Samoa, ma faatopetope ai loa le latou galuega faifaatasi ma le SPREP, Secretariat of the Pacific Rigional Environment Programme, le (PRISMSS) Pacific Regional Invasive Species Management Support Service, mo tomai faapitoa, fautuaga, ae o mea faigaluega e talafeagai e pue ai le meaola.

Ma maua lava ile afiafi ole aso lava lea, e masalomia poo se meaola fafine, ae oloo faia iai sailiga.

O aafiaga ole meaola lenei, e latou te aia meaola ma manu e tuufua ma tataa i luga ole palapal.

O na meaola e aofia ai le gata, o pili, moo ma isi meaola fetolofi ae o fua o moa, ve’a, tulī ma fua o laumei.

Ma ua faaauau ai pea ona saili poo iai se iai Mongoose ma faia sailiga pe na faapefea ona faaauala mai i Samoa lea meaola faalafuā.

Ole meaola lea e umi lona tino, pupuu ona vae, umi i luma lona ulu ma le gutu, e maai faaumiumi i tua lona siusiu lanu efuefu.