Ua faaauau ai suesuega a leoleo i le faalavelave tau taavale lea na tupu mai Salelologa i le faaiuga o le vaiaso talu ai ma maliu ai le tamaitai faiaoga 45 tausaga o le afioaga o Faala Palauli.
Na faamaonia mai e le Komesina o le Matagaluega o Leoleo, Auapaau Lotoitino Filipo ina ua tatou fesiligia: “O le faalavelave lea na tupu i moli la ei Salelologa, ina ua oso faafuasei le taavale i le itu sese ma fetoai ai ma lesi taavale la e sau ai.
E toalua sa I totonu o le taavale, ae o ta’ua e le tatou paaga e sootaga i tamaitai faiaoga: “O nai faiaoga na malaga mai e aumai teufugalaau ma teutusi ile maliu o lona tauaiga. Ole toe foi atu ina ua uma le la sii ae lavea ai loa le taavale maliu ai lava le faiaoga sa aveina le taavale ae manua si leisi faiaoga sa la to’alua.” pei ona ta’ua e le molimau.
Peita’i na saunoa le Komesina o leoleo, Auapaau i le tatou faatalanoaga, “e le’i moliaina se tagata ma o loo faaauau ia suesue’ga a leoleo.
I le molimau a lona tauaiga, O le tamaitai faiaoga ua maliu, o le Susuga Maria Faalelei, 45 tausaga ole soifua, o Faaala Palauli, ae o loo soifua mai pea lona to’alua, le Susuga Eti, o le afioaga o Faleasi’u. E momoli atu ai ma faamafanafanaga ae o faamaisega a tatou tala fou, i aiga loto faavauvau.
