E silia ile 30 le ausiva faaleaganuu a faiaoga ole to’a 70 ole aumalaga a Samoa e malaga atu i Hawaii ile faaiuga o le vaiaso, mole faaaliga tele o tu ma agaifanua, lona 13 a atunuu o le Pasefika.
ile feiloaiga a le Faatonusili o Aoga ma le au faasalalau, na faailoa ai lona malaga faatasi atu ai ma le Minisita o aoga ma aganuu, Seuula Ioane Tuuau, ma le Minisita lagolago, Agaseata Valelio Tanuvasa e taitaia le aumalaga a Samoa.
O tapenaga e aofia ai, le ausiva a Faiaoga, o le au fai pisinisi e faaali a latou oloa o loo gaosia i Samoa, pei o lavalava, le au ta pe’a, ma isi. Ole auga e le gata ina faalauiloa Samoa, ae ole toe faaolaola maiga o aga ma tu. Ua silia i le 50 tausaga talu ai na iloa ai e taitai o atumotu o na taimi, le amata ai ona lofia le Pasefika, i aga mai fafo, ma faaauau mai pea lea faaaliga e atumotu o le Pasefika pei foi ona talimalo ai Samoa i tausaga ua tuana’i, ae ole taimi muamua lea o le’a tali malo ai tagata Hawaii, i lona motu o Oahu le faaaliga 2024.
O le aumalaga a Samoa, ua aofia ai ma faiaoga, na saunoa le faatonusili, o aoga ma aganuu, ua leva ona tapena le matagaluega ile faamoemoe, ma e tuua ai le atunuu i le faaiuga o le vaiaso.
