Tala toe tuliloa ole atalii ia Toetu Aoena o Poutasi ma Toamua, e oo mai nei e lei maua lava lona tino talu mai tagapalolo ile lua vaiaso talu ai, ma ua tonu ai i lona aiga, ole Aso Toonai nei, e faia ai lona sauniga faamavae ile aloalo ole afioaga o Poutasi Falealili.
Na saunoa lona tama tausi, afioga ile Pulenuuu ia Tumanuvao Pualele, ole ta ole valu ile taeao Ole Aso Toonai e togi ai lona laulaau ile sami, ma faamavae atu loa iai.
Ina ua siliga tali i seu sailiga a le nuu, o leoleo ma le ofisa o le vaega lavea’i i faalavelave faafuase’i poo le FESA.
Peita’i o lana faafetai tele ile fesoasoani a le afioaga i sailiga o le atalii, faapena foi momoli faamalo ma le faafetai ile fesoasoani atu a le malo, ile Matagaluega o leoleo ae ole Pulega o le Ofisa Tineimu, i taimi o mafatiaga ole aiga.
Faafetaia foi le au fai tatalo o Samoa na lagona ai le mafanafana e oo mai ile taimi nei. ae toe sauniga ole atalii, saunoa Tumanuvao ua tatau lava ona faamavae atu ia te ia.
