Ua tini le faamoemoe maualuga mo Samoa atoa ina ua soo le taamilosaga a le Matagaluega o le Soifua maloloina mole faia o tui puipui mai le faamamai pipisi ole Koviti 19.
O se taunuuga lelei lea o galuega fita a se vaega o le aufai galuega a le Matagaluega ua faitau vaiaso o feagai ai.
Peitai e ui o lea manaoga o le malo ae o le Matagaluega ia faasopolia atoa lo tatou atunuu ile tui, ae e iai lava sina vaega o tagata o loo latou teena le faia o latou tui, ma tuusaoloto ai lava i latou , e faatino a latou aia tatau ma talitonuga faasaga tau i vailaau ua tatui i tino o le silia i le 80 pasene ole faitau aofai ole atunuu.
O faalauiloa ale Matagaleuga o le soifua maloloina, o agia ai le faataua ole tui puipui o se tasi lea o aupega malosi e tetee atu ai i siama o faama’i, aemaise o le Koviti ua faauau lana pipisi i tua talu mai le Masina o Mati 2022l.
Ua maitauina foi, o tagata ole tatou atunuu ua maliliu ona o le koviti, o loo fefiloi lava i latou ua fai tui, ma e lei faia lava ni tui puipui, ma se vaega o loo maua i isi gasagase tumau poo mai le pipisi .
