Ua talia le ifoga,  ae ese ai foi le tulafono

SHARE NOW

Ua toe tolo atu i le aso 23 o Aukuso le matapu a le tama sa faiaoga, ae na tuuaia i lona faia oni amio le talafeagai ise teine aoga.

Ole matapu lea na toe valaau ai ile Aso Gafua o le vaiaso nei, ma toe tula’i ai le loia o tula’i mo le o tuuaia, le susuga a Komisi Koria, ma  faaleo le tetee a le tama 65 tausaga i se vaega o le folasaga mulimuli a leoleo.

E iai itu lelei o lenei tama na tolaulau ai ile faamasinoga, ao faagasolo mai lenei matupu, i luma o lana afioga i le faamasino Justice Tuatagaloa.

E aofia ai le talosaga ale matai o le aiga, na ia faailoa, ole faa matua lea o le latou aiga.

Molimauina foi le talosaga a le matai o le nuu, ma ta’u i le faamasino  ua uma ona fai le sala $20afe, ua uma na alu le ifoga i le aiga o le teine na aafia, ma talia.

Na tatalo foi le nuu ile toe ave i tua o le mataupu lenei. Na iai foi le talosaga a le faifeau a le ekalesia i uiga faamoemoeina o lenei lava tama.

Na faamautinoa e le afioga i le faamasino,  ua fafofoga le faamasinoga i itu lelei, ae tatatia ane e faasolo taualumaga e fua iai se faaiuga a le faamasinoga.

Peita’i ua tatala i tua le tama ma o loo poloaia e le faamasinoga e nofo i Vaitele, sa ona toe oo i tua latalata i le nofoaga o loo afua mai ai le tuuaiga.