E fa mataupu ole Faamasinoga o Apili lea e amata atu i le aso. Ina ua mae’a ai ona faatauto e le afioga i le Sui Ao, Le Mamea Ropati Mualia, le Tasi o Faamasino : Justice Sir William Young, e sui ia Justice Fisher, sa Peresetene ole Faamasinoga o Apili i tausaga ua tuana’i. … Ole fatautoga na faia i le fale faamasino i le Aso GAfua, ananafi.
O mataupu apili e fa lea ua faatulaga, amata atu ile aso e aofia ai le Talosaga a Kolagi Junior Lam, faasaga i lona faasalaga soloatoa ile falepuipui, i le maliu o lona to’alua, Sa CEO o le UTOS Justina Sa’u i le 2018.
O lesi mataupu apili e faasaga i le FAST, Faatutua i le Atua Samoa ua tasi, faipule tamaitai, Toomata Nora Leota, ole Loia Sili ma le ofisa ole palota.
Ua apili ai e faipule tamaitai o le HRPP, Aliimalemanu Alofa Tuuau ma Faagasealii Sapoa Feagia’i.
O isi talosaga apili e lua, o mataupu tau solitulafono, O le a saofaia e Justice Rhys Harrison, Justice Raynor Ashner, Justice Sir William Young ma Justice Tafaoimalo Leilani Tuala-Warren.
