E 54 le matua o le soifua o le tamā na maliu i le po o le Aso Toona’i na sei mavae atu nei, ina ua so’a e le taavale a se taule’ale’a 40 tausaga i Siusega, na faamaonia mai e le sui Komesina o le Matagaluega o leoleo ia Papalii Monalisa Tiai Keti.
Ua taofia ai nei e le leoleo ma le vaega o taavale afi le alii na afua ai le maliu o le tama matua.
O le faalavelave lea na ta’ua e Papalii na tulai mai Siusega i le po o le Aso Toonai.
Ma ua faasolo ai foi suesuega a le Matagaluega o leoleo i lea foi faalavelave.
