O le aso 27 lava o le masina nei, e Malaga mai ai le au lakapi ale Toa Samoa.
E le gata ina faailoa faalauaitele e sui ole pulega o le Toa Samoa, i luga o le leitio Polenisia ile vaiaso talu ai, peita’i na mulimuli ane ua toe faamautu mai ai e le afioga ile sui palemia, Tuala Iosefo Ponifasio i luga ole Talamua, e iai tapenaga ole faatali ua fuafua mo le au, mai le aso 27-30 o le masina lenei.
Maitauina e ui e le’i malo le Toa Samoa ae o le avea ai ma ‘au muamua atu i le Pasefika e oo i le sailiga o le siamupini, Final, o le ipu.
Saunoa ai le Tofa Falefata Nari o Faleata, O lana ia vaai i tagata Samoa ile lalolagi atoa, o le taaloga lea ua toe omai faatasi ai Samoa, aemaise o Samoa i atunuu e mamao.
O lesi vaaiga mataina i Samoa nei lava ia, ua mafai ai e le Toa Samoa ona toe aumai faatasi aoga sa taua’imisa, e tapua’ia le taaloga a le Toa.
Ma faamuta ai taua’imisaga sa faia ile va o aoga i taimi o afeleti a aoga.
O le uiga ese ole lagolago a Samoa, ile Toa Samoa, e aofia ai solo a taavale, ile aso Toonai ma aiga sa le momoe, ae alalala atu lava i le afiafi, ma la’u atu fala ma aluga ile malae lakapi ile ala kalapu, e matamata ai le taaloga i le vaveao.
I le taunuuga o lena tapuaiga, ma le lagolago, lea ua afua ai le faatali tele a le atunuu, i le aso 27 o le masina nei,
