O se laasaga tele o lea feagai ma faiaoga o Kolisi uma ae o fanau aoga, pe a amatalia aoaoga o le tausaga fou, ina ua faamanino mai e le Puleaoga o le Kolisi o Vaimauga le susuga ia Faumuina Tovio Taefu, le faamuta ai i le tausaga nei o le vasega 13.
O le mafuaga lea o le latou feiloaiga ma matua i le vaiaso ua mavae, e faailoa ai le fetuunaiga o mataupu ma le faasologa o laasaga e moomia ai le galulue faatasi o faiaoga ma matua i le unaina o fanau e faatino mea’aoga.
Saunoa Faumuina, ” ua tolu tausaga talu ona sue mai le vasega 10 i suega lea sue ai le vasega 12, o le aveesea ai o le vasega 13, o le faaopopo mai lea o lesona sa aoaoina le vasega 13, lea ua faasafua mai le vasega 12, 11, ma le vasega 10, ma e taua tele ai le malamalama ai o matua ina ia faa’avanoa taimi mo fanau e suesue ai mea’aoga ae leo le ave taimi atoa e fai ai feau tua i aiga.”
Na faaiu le saunoaga le Alii pule lona faa’aogaina lea lenei avanoa e momoli ai le agaga faafetai i Sui o le Tagaloa College, mo tusi faitau ua fesoasoani tele lea mo le aoina le faitau tusi tamaiti aoga, na oo foi le faafetai i le company BBE, mo le faatupeina o toniga ta’alo le fanau aoga le laumua o Vaimauga.
