Ua tapena le Team Samoa mo Taaloga laiiti a le Pasefika

SHARE NOW

Ole fiafiaga ile pule faatonu o le Asosi o taaloga a Samoa, ae ole Komiti o le National Olympic, le faalauiloa ai o le au taaalo a Samoa mo Taaloga laiti a le Pasefika 2022, e faia i Saipan, ile Northern Mariana Islands.

O taaloga laiti e fai mai le aso 17 – 25 o le masina lenei o Iuni 2022. Pei ona faamaonia e le faamatalaga faalauaitele mai le SASNOC.

O le Team Samoa, e aofia ai tagata taaalo na piki i inei ma se vaega e nofo i fafo. O le tauva i afeleti, voli ile oneone, taga polo golf, Tenisi, ma sisiigauamea mamafa.

Ua faitau masina talu ona koleni le au a Samoa, mo taaloga laiti a le Pasefika. E talitonu le pulega ua saunia le Team Samoa, ae faapena foi i taaloga a malo o le Taupulega 2022 e faia i Birmingham ile masina fou o Iulai ma Aukuso.

Ua uma ona faalauiloa le Team Samoa talu mai le aso 6 o Iuni 2022.