Ole faatuai ona maua ose faaiuga mautu ma ua le masino faamatalaga ma faamasinoga ua faia faalauaitele e paaga a le Fb, faatatau ile maliu ole alii aoga ole Iuniveste aoao a Samoa, Tuuau Maletino, na afua ai ona laga e le faipule o Faleata 4, Ale Vena Ale i le palemene.
E manatu le faipule, Tofa Ale, ua maliu le tagata, e tatau le matagaluega o leoleo ona avatu le mataupu ile faamasinoga.
Peita’i ose avanoa na tali manino ai le minisita o le Matagaluega, o Leoleo ma Falepuipui, Faualo Lefau Harry Schuster: e leai se moliaga e faia e leoleo faatatau ini molimau e leai ni faamaoniga ua oo atu i leoleo.ma e nate lagolagoina le faaiuga a leoleo.
O le mataupu lea e le tasi pe lua ni faipule o le palemene o loo tuuaia ai, i faamatalaga faalele.
O saunoa le Minsita o leoleo, ole faitalia lena a le tagata e le malie ile faaiuga a leoleo ole alu sa’o e ave le tagi ile faamaisnoga.
Ma ole laasaga lena lea ua agai atu nei iai le aiga o Tuuau, ole faaoo atu ole latou tagi ile faamasinoga, ina ua leai se talitonuga o leoleo i le molimau a Samuelu.
Ae ole augani a le faipule o Faleata, tofa a Ale, ua tatau ona faia se faaiuga i lea mataupu talu e le tasi se faipule o tuuaia ai, ae ua maliu le tagata.
O le mau foi lena a le faipule ole Gagaifomauga Numera tolu, Laaulialemalietoa, o loo faatali le aiga, ma talu ai o loo aafia ai lona tagata male faipule ua tuumalo ole itumalo o Gagaifomauga Numera lua, e le taugamalie tuuaiga, ma o le ‘a oo atu lava ile faamasinoga.
