Ua teu ile palapala le tina nofotane ma’itaga na maliu mai sauaga

SHARE NOW
Ua momoli ai le faafetai ale tina ia Makerita Lefau ile Faamasinoga, ile aumaia lea o le foma’i faapitoa e faia taotoga o tagata maliliu.
O le foma’i faapitoa lea na aumai i Fiti ma amata galue mai ai ile vaiaso talu ai. Peita’i e oo mai nei ua toe lua ole toa valu o loo faasolo iai suesuega faapitoa.
Ae ole faafetai a le tina ia Makerita, ina ua vave ona tali lana talosaga ile ofisa o faamasinoga mo le fia vave ave ai i tua o lana tama e teu ina ua faaletonu le tulaga na iai lona tino.
O le alo o Makerita le tina talavou lea na tuuaia le faaoolima iai lona to’alua i Vailoa ma maliu ai.
E maliu le tina talavou, ae ua tau le fa masina o lona ma’itaga pei ona molimauina. Peita’i o loo taofia pea i lalo o le vaaiga a leoleo le tama, i moliaga o le faaoolima ua afua ai le maliu ma le fasioti tagata. O lo’o ia teena ona moliaga a leoleo.
Ae ise faatalanoaga ma le tina ia Makerita o le faaiuga o le vaiaso na teu ai lana tama i fanua maliu ole malo.