Ua mae’a ai ona teu le atalii 12 tausagaTovi’o Jr Toma, ole Palisi ile Aso Toonai na te’a nei.
Ole tama lea na aafia lona soifua i sauaga i totonu o lona lava aiga.
Na sosoo lava maliu o fanau laiti ile masina talu ai o Tesema afua mai sauaga i totonu o latou lava aiga mai matua.
Peita’i ole maliu lea o le atalii i Palisi ua molia ai e leoleo le tama o lea aiga i le fasioti tagata, pei ona faailoa mai e le afioga ile Komesina o Leoleo Auapaau Logoitino Filipo, ile tataou fatalanoaga i le masina talu ai.
Ae o loo faamanatu mai pea e le Toomaga mo e puapuagatia SVSG Samoa Victim Support Group ile tatou atunuu, le laina fesoasoani i soo se taimi lava ua e le mautonu ai.
Pe ete fia talanoa foi i mafatiaga mo se toomaga o lagona ma le loto valaau le 800 7874.
Na saunoa ai le Peresetene o le Toomaga, Siliniu Lina Chang ina ua tatou fesiligia,” o le saogalemu o fanau ma aiga uma lava o Samoa, e maua mai le galulue faatasi ma le mafuta o aiga i le Atua, maua ai le filemu.
Saunoa Siliniu, e ma’eu lava foi le sauaga na latou molimauina i aso malolo ua mavae atu, ae oloo mana’omia lava le galulue faatasi, e taofia sauaga.
Ma latou faamaise atu ai i matua mafatia o fanau ua maliliu ona o sauaga lava itotonu o latou aiga.
