Ua toe faoa mai nei le pale o le Lalelei o le Pasefika 2024-2025 i le tausala o Samoa le afioga ia Moemoana Safatoa Schwenkie.
O se tauvaga mataina tele mai lava i lona amataga seia oo i lona faaiuga e pei ona molimauina i luga o upega tafailagi.
E toa fitu ile tausala o Samoa tamaitai o le Pasefika na tauva ma o ia foi sa tele ina mataina ana taumafaiga uma.
Ma ia manumalo ai i nisi o faailoga togia o le tauvaga e pei o le ofu faaleaganuu, o le filifiliga poo le palota a tagata e faaoga ai upega tafailagi, o le taleni ma le taliga fesili.
O vaega taua na sa faapaleina ai Moemoana ma mateia ai loa lona manumalo ao faasolo pea le tauvaga.
Ae i le faagasologa o tamaitai ile toa 5 pito i luga na tulaga fa le tamaitai mai Amerika Samoa, tulaga tolu le Marshall island, tulaga lua le Miss Nauru, tulaga muamua le Miss PNG ae seia ai loa e le tausala o Samoa le tausala o le Pasefika 2024-2025.
