Ua toe tapena foi matua a Samoa i lesi lotu tamaiti e faataua ai fanau.
Peita’i oloo faatali pea ma le faanoanoa matua ole atalii sa aoga ile Iunivesite Aoao o Samoa, ia Tuuau Maletino lea na maliu faafuasei i Vaitele ise faalavelave tau taavale talu mai Aperila 2021, ma oo mai nei oloo saoloto pea le avetaavale.
O taua e matua o Maletino ise faatalanoaga ma le Ata Mua News ise taimi ua tuana’i, e le galo le atalii, e manatua pea lava, aemaise o aso faapitoa faapenei.
Peita’i i suesuega o lena solitulafono, e leo mafai lava ona talitonuina e leoleo faamatalaga ma molimau e aofia ai ma molimau a Samuelu Su’a, e sootaga ile maliu o Tuuau Maletino.
Ae ua na’o faamasinoga o tagata, e sootaga i faamatalaga ole maliu, ma faaauau ai pea ona taofia Samuelu Su’a i Tanumalala, mo lesi 9 masina.
O tapenaga ole lotu tamaiti talu ona maliu Tuuau, ua leo toe tutusa lava mo ona matua, ua ose faanoanoaga i lona aiga, e le gata ole lē atoa ole faitau le fanau, ae ole solasola pea ole avetaavale, ma saunoa ai lona tina ma loimata, “Faamata pe ana o sau tama lea, poo lea sou lagona?”.
O tapenaga ole lotu tamaiti 2024, ose aso fiafia mo le tele o matua, ma fanau, ae ua le tusa ai ma se vaega o matua ua motusia faafuase’i le mafutaga ma fanau ona ole oti.
E momoli atu ai faamafanafanaga ma faamaisega i matua loto faavauvau.
