Ua toe tuu atu nei i itumalo le teuina ma le leoleoina o falema’i faaitumalo i Savaii ma Upolu.
O se tulaga lea na sau ai ile silia ile 50 tausaga talu ai, ole aua’i o afioaga o itumalo e fai leoleoga ile falema’i, ma tapena, teuteu ma fufulu falema’i faaitumalo.
O pine o na atina’e sa sau ai sa nofomau ai le fomai ile falema’i faaitumalo ma fau ese lava lona maota. E iai tina faafananau i falema’i faaitumalo, sa faaiuga ai lava a latou pepa ile fomai o na vaitau.
Ole vaiaso nei lea ua folafola mai ai e le Minisita ole Matagaluega ole Soifua Maloloina, Valasi Togamaga Tafioga Selesele, le toe faamatu’u atu o lea galuega ole tausia, fufulu ma vaaia le tausiga ole saogalemu o falema’i faaitumalo i fono faavae.
Oloo faamanino foi e le Minisita o tupe o lena laasaga, ose vaega ole poloketi a le Matagaluega, e alu sao lava i tagata oloo latou faatino galuega.
Ua mautu ai nei taavale van mo falema’i faaitumalo i Savaii ma Upolu lea na faameaalofa mai e le malo o Niu Sila ma Ausetalia pei ona saunoa le Minisita, olea sologa saogalemu ai soifua ole aufaigaluega ile faatinoga o latou galuega i falema’i i tua.
