Tala toe tuliloa, o le tuuaia ai ele tamaitai leoleo o se alii leoleo i amioaga mataga, e le’o se mea fou.
O loo faamauina lava e oo mai nei, e leo iloa lava se taunuuga o lesi mataupu na tuuaia ai foi ese tamaitai leoleo lo latou taitai i nai tausaga ua tuanai, ile famalosiga o ia, ma i’u ina savali ese ai lava lena tamaitai leoleo mai lana galuega.
Peita’i ua toe alia’e foi le tuuaia ai ose tasi o Satini sinia ole Matagaluega, e le moliaga a leoleo i amio mataga, i se tasi o tamaitai o le latou lava aufaigaluega.
O le mataupu lea na valaau ai ile vaiaso talu ai, ma talanoa ai le afioga ile Komesina o leoleo, Auapaau Logoitino Filipo, e leai se isi ei luga atu o le tulafono, ma e leai foi se isi e ta’usalaina vagana ua faamaonia mai e le faamasinoga.
O le aafia o leoleo i tuuaiga o soligatulafono, e tatau lava ona faia iai se suesuega faaletulafono pei ona oo atu ai lea foi mataupu i le faamasinoga.
E iloa ai ile aso Lua o le vaiaso fou, se tali a le leoleo ua molia, pe na te tetee pe ioe i tuuaiga a le tamaitai leoleo ua oo atu ai nei i Mulinuu.
Ma ole a valaau ai ile Faamasinoga faaitumalo ile Aso Lua ole vaiaso fou
